Засгийн газрын өнөөдрийн хуралдаанаар дараах хүмүүсийг Элчин сайдаар томилуулах асуудлыг хэлэлцэн дэмжээд, Монгол Улсын Ерөнхийлөгчид саналаа хүргүүлэхээр тогтжээ.
Үүнд;
Монгол Улсаас Бүгд Найрамдах Солонгос Улсад суух Онц бөгөөд Бүрэн эрхт Элчин сайдаар Сүхээгийн Сүхболдыг,
Монгол Улсаас Бүгд Найрамдах Польш Улсад суух Онц бөгөөд Бүрэн эрхт Элчин сайдаар Гунаажавын Байгалмааг,
Монгол Улсаас Шведийн Хаант Улсад суух Онц бөгөөд Бүрэн эрхт Элчин сайдаар Цэрэндоржийн Мөнх-Өлзийг,
Монгол Улсаас Нэгдсэн Үндэстний Байгууллагын дэргэд суух Байнгын төлөөлөгчөөр Нямдоржийн Анхбаярыг тус тус томилуулах саналыг Монгол Улсын Ерөнхийлөгчид өргөн барина.
НҮБ-ын дэргэд суух байнгын төлөөлөгчөөр томилуулах санал гаргаад байгаа Н.Анхбаярын хувьд УИХ-ын гишүүн, Хууль зүй, дотоод хэргийн сайд асан Ц.Нямдоржийн хүү юм. Тэрбээр 2001 онд Монгол Улсын их сургуулийн Хууль зүйн сургууль төгсөж, 2004 онд Шинэ Зеланд Улсын Веллингтон хотын Виктория их сургууль Эрх зүйч мэргэжилтэй, хууль зүйн ухааны магистр хамгаалсан.
2000-2002 он УИХ-ын Тамгын газарт туслах ажилтан
2003-2004 он УИХ дахь МАХН-ын бүлгийн ажлын албанд референт
2007-2010 он Гадаад харилцааны яамны Гэрээ, зүйн газарт мэргэжилтэн, атташе
2010-2012 он Гадаад харилцааны яамны Гэрээ, зүйн газрын дэд захирал
2012-2014 он Монгол Улсаас АНУ-ын Сан-Франциско хотод суугаа Ерөнхий Консул
2014 он Гадаад харилцааны яамны Төрийн захиргааны удирдлагын газрын Хуулийн хэлтсийн дарга
2014-2016 он Гадаад харилцааны яамны Олон улсын гэрээ, эрх зүйн газрын Хүний эрхийн хэлтсийн дарга
2016 он Гадаад харилцааны яамны Консулын газрын дэд захирал
2016-2020 он Гадаад харилцааны яамны Төрийн захиргааны удирдлагын газрын захирал
2020 оны 7 дугаар сарын 29-ний өдрөөс Монгол Улсын Гадаад харилцааны яамны Төрийн нарийн бичгийн даргаар ажиллаж байгаа юм.
