НҮБ-ын Ерөнхий Ассамблейн онцгой чуулган аравдугаар сарын 27-нд хуралдан, тогтоол баталж, мөргөлдөгч хоёр тал Израиль, Палестин хүмүүнлэгийн энхийн хэлэлцээрийг нэн даруй хэрэгжүүлж, улмаар мөргөлдөөнийг зогсооход тус дөхөм үзүүлэхийг уриалжээ.
Тогтоолд, талууд олон улсын эрх зүйн хүрээнд хүлээсэн үүргээ нэн даруй, бүрэн хэрэгжүүлж, ялангуяа энгийн иргэд болон иргэний байгууламжийг хамгаалах, хүмүүнлэгийн тусламж авах боломжийг олгох, Газын зурвас дахь энгийн иргэдэд үндсэн бараа, үйлчилгээг хангах, мөн хүмүүнлэгийн коридор ба бусад арга хэмжээгээр энгийн иргэдэд хүмүүнлэгийн тусламж үзүүлэхийг шаардсан байна.
Уг тогтоолд Палестины энгийн иргэд, НҮБ-ын ажилтнууд, хүмүүнлэгийн болон эмнэлгийн ажилтнуудыг Газын зурвасын хойд хэсгээс өмнөд хэсэгт шилжихийг шаардсан тушаалаа цуцлахыг Израильд уриалж, Палестины энгийн иргэдийг хүчээр нүүлгэн шилжүүлэх аливаа оролдлогыг эрс эсэргүүцнэ. Хууль бусаар баривчлагдсан бүх энгийн иргэдийг нэн даруй, ямар ч болзолгүйгээр суллаж, тэдний аюулгүй байдал, үндсэн эрх, хүмүүнлэгийн нөхцөл байдлыг олон улсын хууль тогтоомжийн дагуу баталгаажуулахыг уриалжээ.
