Монгол Улсын Ардын жүжигчин, дуурийн дуучин, хөгжмийн зохиолч Агваанцэрэнгийн Энхтайваны нэрэмжит мэргэжлийн дуучдын олон улсын анхдугаар уралдаан ирэх аравдугаар сарын 23-наас 27-ны өдрүүдэд гурван үе шаттайгаар зохион байгуулахаар болжээ. Монгол Улсын Соёлын яам, Монгол Улсын консерватори, Нийслэлийн Соёл, урлагийн газар, СУИС, ДБЭТ, ЦДБЭЧ, ХЦДБЧ, Монголын үндэсний урлагийн их театр, “Анир рекордс”, “TuRuu sound”, “Mongol Tattary” зэрэг мэргэжлийн урлагийн байгууллагууд хамтран зохион байгуулах энэхүү уралдааны удирдамжийг бүрэн эхээр нь хүргэе.
Уралдааны зорилго нь Монгол Улсын мэргэжлийн дуучдын дуулах ур чадварыг дээшлүүлэх, тэдний урын санг баяжуулах, залуу дуучдын мэргэжлийн үнэлэмжийг нэмэгдүүлэхэд оршино. Уралдааныг мэргэжлийн урлагийн мастеруудаас бүрдсэн шүүгчдийн баг шалгаруулна. Уралдааныг 18-37 насны дуучдын дунд зохион явуулж тусгай шагнал, I, II, III байр, Гран-При шагналуудыг олгоно.
1. Уралдаанд оролцох дуучид нь 18-37 настай байх ба оролдоцогчдын насыг 2023 оны 10-р сарын 25-ны өдрөөр тодорхойлно.
2. Уралдаанд оролцогчдыг хоолойны ангилал харгалзахгүй дуулах ур чадвараар нь шалгаруулна.
3. Оролцогчид нь дуулаачийн мэргэжлээр суралцаж байгаа болон төгссөн, мэргэжлийн урлагийн байгууллагад ажилладаг болон хувиараа уран бүтээл туурвидаг байж болно.
4. Оролцогчид нь уралдаанд бүртгүүлэхдээ доорхи материалуудыг бүрдүүлсэн байна. Үүнд:
А) Өөрийн товч намтар, уран бүтээлийн түүх 1-2 хуудсанд багтаан бичсэн байна.
Б) Уралдааны хэвлэлд зориулсан 6х9 хэмжээний өнгөт зураг 1 ширхэг,
В) Ажлын газрын, сургуулийн, хувиараа уран бүтээл туурвиж буй талаарх тодорхойлолт,
5. Бүртгэлийн хураамж 50.000 төгрөг төлнө. Уралдаанд бүртгүүлсэн оролцогч бүрт А.Энхтайваны “Хан Хэнтий уул минь” зохиолын 50 дууны түүврийг бэлтгэлд зориулан дууны шүлэг, шаардлагатай бол медиа фонограмм авч болно.
6. Хөдөө орон нутгаас болон гадаад орноос ирсэн дуучид эхний байруудад /Гран-При, 1,2,3-р байр/ шалгарвал Улаанбаатар хотод байрласан буудлын төлбөрийг уралдаан зохион байгуулагчид хариуцна.
7. Уралдаанд оролцогчид уралдаан эхлэхээс 5 хоногийн өмнөөс бэлтгэл сургуулилт хийх төгөлдөр хууртай өрөө, концертмейстр томилон өгч болно.
УРАЛДААНЫ ШАГНАЛ
1. Уралдааны шагналыг доорх байдлаар олгоно.
А. Гаранпри 1. 7.000.000 сая төгрөг цом диплом
1-р байр 1. 5.000.000 төгрөг цом
2 р байр 1 3.000.000 төгрөг цом
3 р байр 1 2.000.000 төгрөг цом
Тусгай шагнал 2, Тус бүр 500 000 төгрөг, диплом
Шилдэг дасгалжуулагч багш 1 хүн, 1.000.000 төгрөг диплом
Шилдэг концертмейстер 1 хүн, 1.000.000 төгрөг диплом тус тус олгоно.
УРАЛДААНЫ НЭГДҮГЭЭР ШАТ
1. МУАЖ А.Энхтайваны мэргэжлийн дуучдад зориулан зохиосон дуунаас 1 дуу сонгон төгөлдөр хуур хөгжимтэй дуулна.
2. Өөрийн сонгосон Монголын хөгжмийн зохиолчдын дуунаас, гадаад орноос оролцогчид өөрийн сонголтоор тухайн орны хөгжмийн зохиолчийн 1 дууг төгөлдөр хууртай эсвэл фонограммтай дуулна.
УРАЛДААНЫ ХОЁРДУГААР ШАТ
1. МУАЖ А.Энхтайваны мэргэжлийн дуучдад зориулан зохиосон дуунаас 1 дуу сонгон төгөлдөр хуур эсвэл фонограммтай дуулна. Сонголтыг дуучид өөрсдөө хийнэ.
2. Монголын Хөгжмийн зохиолчдын мэргэжлийн дуучдад зориулан зохиосон том хэлбэрийн дуунуудаас нэг дууг өөрийн сонголтоор дуулна. /гадаад орны оролцогчид өөрийн орны хөгжмийн зохиолчдын дуунаас сонголт хийж болно/ Төгөлдөр хуур, эсвэл фонограммтай. /Үзэгчидтэй/
УРАЛДААНЫ ГУРАВДУГААР ШАТ БУЮУ
ГАЛА КОНЦЕРТ /ҮЗЭГЧИДТЭЙ ЯВАГДАНА/
1. МУАЖ А.Энхтайваны мэргэжлийн дуучдад зориулан зохиосон дуунаас нэг дууг симфони найрал хөгжимтэй дуулна.
2. Монголын болон Олон Улсын хөгжмийн зохиолчдын мэргэжлийн дуучдад зориулсан томоохон хэмжээний бүтээл нэгийг симфони найрал хөгжимтэй дуулна. Дууны шүлэг нь Орос,Монгол, Итали, Франц, Испани, Англи хэл дээр байж болно.
ШАЛГАРУУЛАХ ЖУРАМ:
Олон Улсын шүүгчид нь уралдааны шат болгонд дуучдыг 1-5 оноогоор дүгнэнэ.
Уралдааны шүүгчид нь гадаад дотоодын урлагийн нэрт мастерууд, хөгжим болон урлаг судлаачдаас бүрдсэн бүрэлдэхүүнтэйгээр зохион байгуулна.
Уралдааныг 2023 оны 10-р сарын 23 ,24, 26-ны өдрүүдэд Консерваторийн “А” заалд зохион байгуулна.
Шагналтнуудын Гала концертыг 2023-10-27-ны өдөр ДБЭТеатрт зохион байгуулна.
Уралдааны бүртгэлийг: Монгол Улсын Консерваторийн 101 номерийн өрөөнд 2023-09-06-наас 2023-09-30 хүртэл бүртгэнэ.
Бүртгүүлэх цахим хаяг: echimeg2002@yahoo.com, Харилцах утас: 99998789, 99754330
Уралдааныг зохион байгуулагч байгууллага: ДБЭТ, Монгол Улсын Консерватори, Монголын Хөгжмийн Зохиолчдын Холбоо, Буриад Улсын Хөгжмийн Зохиолчдын Холбоо, Буриад Улсын Дуурийн Театр, ӨМӨЗОрны Урлагийн дээд Сургууль, Соёл сан, “Анир студи”, “TURUU sound record “, ”Color studio”
УРАЛДААН ЗОХИОН БАЙГУУЛАХ ХОРОО
