Монгол Улсын Засгийн газрын Шинэ сэргэлтийн зургаан бодлогын нэг нь Хот, хөдөөгийн сэргэлт. Энэ хүрээнд хөдөө орон нутагт очиж ажиллах иргэдэд ипотекийн 3 хувийн хүүтэй зээл олгох, ажлын байр, орон сууцаар хангах бодлого хэрэгжиж буй. Тухайн аймаг, сум орон нутаг өөрсдийн санаачилгаар тодорхой ажлуудыг хийж байгаа жишээ ч олон байна. Тухайлбал, Дорнод аймгийн Дашбалбар сумын удирдлагууд сумандаа ирж ажиллах эмч, багш нарт зориулан 16 айлын хоёр орон сууц барьж ашиглалтад оруулжээ. Уг орон сууцны эхний айлууд нь байрандаа орж эхэлсэн байна.
