Саудын Арабын Жидда хотод наймдугаар сарын 5-6-нд Украины мөргөлдөөнийг зохицуулах асуудлаарх зөвлөлдөх уулзалт болжээ. Уг уулзалтад Бразил, Их Британи, Энэтхэг, Хятад, АНУ, Өмнөд Африк, Европын холбооны улс зэрэг 30 гаруй орны төлөөлөгчид оролцсон байна. Харин ОХУ-ыг уулзалтад уриагүй аж.
Уулзалтад оролцогсод хямралыг олон улсын зөвшилцлөөр, энх тайвнаар зохицуулахын чухлыг онцолсон байна. Энэ үеэр Украины асуудлаарх илтгэлүүдийг сонсож, Украины дэвшүүлсэн энхийн замаар шийдвэрлэх төслийг хэлэлцжээ.
Орос, Украин урт хугацааны энх тайван тогтоохыг Саудын Араб тууштай дэмжсээр ирсэн бөгөөд Украины хямралыг улс төрийн аргаар зохицуулах олон улсын зөвшилцөл, хамтын ажиллагааг дэмжих зорилгоор энэ арга хэмжээг зохиолоо гэж Саудын Арабын хэвлэлд мэдээлжээ.
