Японы мэргэжлийн сүмогийн нагоя башё өнөөдөр эхэлнэ. Долдугаар сарын башёг их аварга Тэрүнофүжи Г.Ган-Эрдэнэ тэргүүлэн барилдах бол шинэхэн озэки Киришима Б.Лхагвасүрэн баруун жигүүрийг тэргүүлнэ. Мөн зүүн жигүүрийн сэкивакэ Хоошорюү С.Бямбасүрэн түүний ард эрэмбэлэгджээ.
Хокүсэйхо А.Даваанинж маэгаширагийн зүүн жигүүрийн зургаад, Тамаваши Б.Мөнх-Оргил баруун жигүүрийн долоод эрэмбэлэгдсэн байна. Чиёошома Б.Мөнхсайхан маэгаширагийн зүүн жигүүрийн 12-оос, Дайшохо Ч.Шижирбаяр маэгаширагийн зүүн жигүүрийн 14-өөс тус тус босож барилдана.
Озэки Дайэшо башё эхлэхийн өмнө буюу өнгөрсөн баасан гарагт өвдөгний бэртлийн улмаас тэмцээнийг өнжихөөр болсон байна. Их аварга Тэрүнофүжигийн хувьд Нагоя башёд түрүүлэх том зорилго буй. Тэрбээр Нагоягийн башёд л огт цол нэмж, түрүүлж үзээгүй юм байна. Тиймээс энэ сард тун хичээн барилдахаар зорьж байгаа бөгөөд нагоя башёд түрүүлж ес дэх цомоо гардвал 10-аас дээш түрүүлж дай ёкозүна болоход нэг алхам ойртох болно.
