Үндсэн хуулийн өөрчлөлтийг УИХ баталлаа. Тогтолцооны суурь реформыг энэ өөрчлөлтөөр хийлээ. Парламентын гишүүдийн тоо 126 болж нэмэгдсэн нь нэг гишүүний эрх мэдлийн төвлөрлийг багасгасан зоримог алхам болов. Өнгөрсөн хугацаанд УИХ Үндсэн хуульд хоёр ч удаа гар хүрсэн боловч өөрсдөдөө ашигтай л нэмэлт, өөрчлөлт оруулж давхар дээлээ зузаалж, эрх мэдлээ нэмэгдүүлж, дахин дахин сонгогдох боломжийг өөрсдөдөө цэлийтэл нээж байв. Гэтэл энэ удаа сонгуулийн холимог тогтолцоог Үндсэн хуульд оруулан батлав. Ингэснээр сонгууль бүрийн өмнө өөрсдөдөө тохируулан тоглоомын дүрэн зохион хууль өөрчилдөг бусармаг явдал үгүй болж байна. Цаашид парламентад шударга, зөв, мэдлэг чадвартай хүмүүс орж ирэх боломж нээгдэв. УИХ ард түмний жинхэнэ төлөөлөл, нийгмийн бүх давхаргын төлөөлөл байх суурь реформ хийгдэв.
Харин энэ өөрчлөлт өнөөгийн УИХ-д байга популистуудад, төрөөс төрсөн тэрбумтнуудад, олигархиудад таалагдахгүй байна. Тэд бачимдан бухимдаж, байдгаараа эсэргүүцээд тусыг эс олов. Жишээ нь энэ цаг үеийн улс төрийн хүрээнд популизмын сонгодог жишээ болсон С.Ганбаатар, Ц.Даваасүрэн тэргүүтнүүд Үндсэн хуулийн өөрчлөлтөд таагүй хандаж байна. Ц.Даваасүрэн сайд гэхэд л УИХ-д 2008 оноос хойш суухдаа популизм хийснээс өөр гавьяагүй. Улс орны хөгжлийг урагшлуулах аливаа асуудал дээр гацаагч, эсэргүүцэгч нь Ц.Даваасүрэн байдаг. Тэгсэн атлаа өөрийнхөө эрх ашгийг ханатал хангадаг. Худал ярьдаг, хуурамч жүжиглэдэг. Булайг нь ухвал далай далай. Эцэст нь хэлэхэд Үндсэн хуулийн өөрчлөлт нүдээ олжээ, зөв болжээ гэдгийг нотлох гол зүйл бол УИХ дахь популистууд хэрхэн байж ядан бачимдаж байгаагаас харж болно.
Тоймч Я.Баяраагийн “Төрийн “хар” хүн” нийтлэлийг эндээс http://www.baabar.mn/article/turiin-khar-khun
