Засгийн газрын өнөөдрийн ээлжит хуралдаанаар Сэсээрийн Золжаргалыг Монгол Улсаас Бүгд Найрамдах Куба Улсад суух Онц бөгөөд Бүрэн Эрхт Элчин сайд, Банзрагчийн Баярсайханыг Монгол Улсаас Япон Улсад суух Онц бөгөөд Бүрэн Эрхт Элчин сайд, Батнямын Энхбатыг Монгол Улсаас Бүгд Найрамдах Солонгос Улсад суух Онц бөгөөд Бүрэн Эрхт Элчин сайд, Эрдэнэцогтын Сарантогосыг Монгол Улсаас Канад Улсад суух Онц бөгөөд Бүрэн Эрхт Элчин сайдаар томилох саналыг Монгол Улсын Ерөнхийлөгчид өргөн мэдүүлэхээр тогтжээ. Мөн Шархүүгийн Оргилыг Бүгд Найрамдах Хятад Ард Улсын Хөххотод суух Ерөнхий консулаар томилсон байна.
Канад улсад суух Онц бөгөөд Бүрэн эрхт Элчин сайдаар томилохоор Засгийн газраас санал болгосон Э.Сарантогос эдүгээ Монгол Улсаас БНСУ-д суух Онц бөгөөд Бүрэн эрхт Элчин сайдаар ажиллаж байгаа юм. Хөххотод суух консулаар томилогдсон Ш.Оргил өмнө нь Сэлэнгэ аймгийн Засаг даргаар ажиллаж байсан юм.
