“Эрдэнэс Тавантолгой” ХК-ийн Засгийн газрын онцгой бүрэн эрхт төлөөлөгч Ж.Ганбат болон тус компанийн Худалдан авах ажиллагааны газрын дарга Н.Цэрэнсамбуу нар цаг үеийн асуудлаар мэдээлэл хийв.
Монгол Улсын Засгийн газраас “Эрдэнэс Тавантолгой” ХК-д 2022 оны аравдугаар сарын 26-наас эхлэн онцгой дэглэм тогтоож, Бүрэн эрхэт төлөөлөгч томилсноос хойш таван сарын хугацаанд тус компани 1.3 тэрбум ам.долларын үнэлгээтэй 13 сая тонн нүүрс борлуулжээ. “Эрдэнэс Тавантолгой” ХК-д онцгой дэглэм тогтоохоос өмнөх үзүүлэлттэй харьцуулахад борлуулалт 4.1 дахин, тээвэр 3.9 дахин, эспорт 2 дахин, орлого 3.9 дахин, олборлолт 2.7 дахин нэмэгдүүлж, 2023 оны нэгдүгээр сарын 1-нээс өнөөг хүртэл 765.2 сая ам.долларын үнэлгээтэй 7.5 сая тонн нүүрсийг борлуулаад байгаа аж.
