Сэтгүүл зүйн чиглэлээр суралцаж буй оюутнуудад дэмжлэг үзүүлэх, өөрсдийгөө нээхэд нь туслах зорилгоор “Сэтгүүлч Батдорж” сангаас жил бүр тэтгэлэгт уралдаан зарладаг. Энэ жил тус сангаас 10 дахь удаагийн уралдаанаа Монголын үндэсний сэтгүүл зүйн 110 жилийн ойн өдрөөр уламжлал ёсоор зарлалаа. Уралдаанд сэтгүүл зүйн чиглэлээр суралцаж бу хоёр, гуравдугаар курсийн оюутнууд оролцох боломжтой бөгөөд эхний шатанд “Нүүх үү, үлдэх үү?” сэдвээр эсээ бичиж өрсөлдөх бол хоёрдугаар шатанд телевизийн сурвалжилга бэлтгэх юм байна. “Сэтгүүлч Батдорж” сангийн нэрэмжит уралдааны ялагчид Дэлхийн хэвлэлийн эрх чөлөөний өдөр буюу тавдугаар сарын 3-ны өдөр тодрох юм.
