БНСУ-ын Сөүл хотын Итаевон дүүрэгт болсон эмх замбараагүй байдлын улмаас амиа алдсан хохирогчдын нэг Сеол Йе Сол дөнгөж 19-хөн настай байжээ. Тэрбээр цэргийн албан хаагч болох маш их сонирхолтой байсан аж. Уг хүсэл мөрөөдлөө биелүүлэн цэрэгт явахаасаа өмнө найз залуутайгаа уулзахаар Итаевон руу явжээ. Ийнхүү явахаасаа өмнө ээжээсээ мөнгө гуйсан аж. Ингээд Итаевонд болох сүнсний баярт очжээ. Гэтэл долоон цагийн дараа охиныхо нь найз залуу ээж рүү нь залгаж Сеол Йе Солыг нам барсан гэдгийг уйлан хэлсэн байна.
Охины ээж 55 настай Ан Ён Сон “Йонхап” агентлагт ярихдаа охин нь “Ээж ээ, мөнгө өгөөч! Би гадагш гарлаа” гэж ярьсан. Түүний найз залуу шөнө дундын үед над руу залган уйлж, Йе Сол нас барсан, тэрбээр нэг цаг гаруй хүмүүсийн дор байсан. Олны хөл дороос гаргаж авах гэж оролдсон ч чадаагүй” гэж ярьсан гэдгийг хэлжээ.
Эцэг нь эрт нас барсан учир талийгаач Йе Сол өнчин дүү нараа өсгөхөд ээждээ туслахаар шийдэж насанд хүрэхээсээ өмнө ажиллаж эхэлсэн аж. Охины ээж Ан Ён Сон “Би охиноо хайсаар л байх болно” гэжээ.
