АНУ-ын Төлөөлөгчдийн танхимын дарга Нэнси Пелоси Тайваньд айлчлахаар хүрэлцэн очсонтой холбогдуулан БНХАУ-ын зүгээс өчигдөр болон өнгөрсөн шөнө удаа дараа хатуу анхааруулсан мэдэгдэл хийжээ. Тухайлбал, Хятадын Ардын чөлөөлөх армийн зүүн бүсийн командлалын бүсийн хэвлэлийн төлөөлөгч хурандаа Ши И наймдугаар сарын 2-ны оройноос эхлэн Хятадын Ардын чөлөөлөх армийн зүүн бүсийн командлалын бүс Тайвань арлын ойролцоо олон удаагийн цэргийн нэгдсэн ажиллагаа явуулж, Тайвань арлын хойд, баруун өмнөд, зүүн өмнөд агаарын бүсэд тэнгисийн болон агаарын хамтарсан сургуулилалт хийж, Тайванийн хоолойд алсын тусгалтай сумаар буудан, Тайвань арлын зүүн тэнгисийн бүсэд пуужингийн туршилт хийх болно. Тус ажиллагаа нь сүүлийн үед АНУ-ын Тайваний асуудлаарх сөрөг үйл ажиллагаа их хэмжээгээр даамжирсанд хариу барьж, “Тайванийг тусгаар тогтнуулах” зорилготой хүчинд өгч буй ноцтой сануулга юм гэжээ.
