Thursday, March 28, 2024

Эрүүл мэндийн сайд эм ханган нийлүүлэх байгууллагуудын төлөөлөлтэй уулзлаа

Date:

Эрүүл мэндийн сайд С.Энхболд ОХУ-Украины хооронд үүссэн цэргийн үйл ажиллагаа, БНХАУ-ын Ковид-19 нөхцөл байдалтай холбогдуулан Эм ханган нийлүүлэх байгууллагуудын төлөөллийг хүлээн авч уулзлаа. Тус уулзалтад ЭМЯ-ны төрийн нарийн бичгийн дарга Ц.Эрдэнэбилэг, ЭМЯ-ны БТГ-ын дарга Б.Буянтогтох, СЭЗГ-ын дарга Б.Мөнхтуул, Эм, эмнэлгийн хэрэгслийн хяналт, зохицуулалтын газрын дарга Д.Нарантуяа, МЭЗНЭ- холбооны гүйцэтгэх захирал И.Балжинням болон дотоодын эмийн үйлдвэрлэл , эм ханган нийлүүлэх байгууллагуудын төлөөлөл оролцлоо. Эрүүл мэндийн сайд С.Энхболд “Төр хувийн хэвшлийн хамтын ажиллагааны үр дүнд эмийн чанарын асуудлыг сайжруулах, болзошгүй эрсдэлд бэлэн байх, урьдчилан сэргийлэх нөхцөл байдлыг ханган ажиллах нь чухал болохыг” хэлсэн үгэндээ онцлов. Энэ үеэр эмийн үйлдвэрийн төлөөлөл дотооддоо эм, эмнэлгийн хэрэгслийн нөөц бүрдүүлэх, үндэсний үйлдвэрлэлийг дэмжих, эмийн бүртгэл, эмийн бүртгэлийн үеийн лабораторийн баталгаажуулалтын ачаалал, нөөц бүрдүүлэхэд үүсэж буй санхүүгийн эх үүсвэрийг хэрхэн бүрдүүлэх талаар санал солилцлоо. Мөн Зам тээврийн яамтай хамтран Франкфурт болон Турк улсын нислэгийн тоог нэмэгдүүлэх, ингэснээр эм, эмнэлгийн хэрэгслийн ачаа тээврийн саатлыг багасгах асуудлыг судлан ажиллахаар болов.

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

Share post:

Онцлох мэдээ

Гепатитын D вирусийн халдварын талаар мэдээлэл сонсчээ

Гепатитын D вирусийн халдвартай 66 мянган хүн байна Гепатитын D...

Эрүүл мэндийн цахим шилжилтийг эрчимжүүлэхийг үүрэг болголоо

Монгол Улсын Ерөнхий сайдын захирамжаар байгуулагдсан Ажлын хэсэг Эрүүл...

Замын-Үүд-Эрээн боомтын ачаа тээврийг ирэх  сарын 1-нээс 24 цагаар ажиллуулна

Монгол Улсын Засгийн газраас Боомтын сэргэлтийн хүрээнд хуурай газрын...

Даланзадгад, Мандалговь чиглэлд авто машины хөдөлгөөнийг түр хаалаа

Сүхбаатар, Дорноговь аймгийн зарим нутгаар цас орж, шуурч байна Цаг...