Орхон аймаг дахь бүсийн оношилгоо, эмчилгээний төвийн Дүрс оношилгооны тасагт ангиографийн аппаратыг байршуулж, судсан дотуурх оношилгоо эмчилгээг орон нутагтаа хийж байна. Ийнхүү орон нутгийн иргэд ангиографийн оношилгоо, эмчилгээ хийлгэхийн тулд нийслэл хотыг зорих шаардлагагүй болсон байна.
Ангиографийн шинжилгээ гэж юу вэ?
Судсанд тодосгогч бодис шахаж, судасны хэмжээ байрлал, голч, ханын байдал, судасны төрөлхийн болон олдмол эмгэг өөрчлөлтүүдийг үнэлж оношилдог дүрс оношилгооны шинжилгээний арга юм.
Ангиографийн аппарат нь рентген туяаны тусламжтайгаар хүний бие махбодийн ямар ч эд эрхтэн системийн өвчин, эрүүл эмгэг бүтцийг цусны судсаар дамжуулан тусгай сэтгүүр хэрэглэн оношлогоо, эмчилгээг явуулдаг орчин үеийн анагаах ухааны дэвшилтэт технологиудын нэг юм.
