Монголын зохиолчдын эвлэлийн Хэнтий аймгийн салбар зөвлөл “Хэрлэн тооно” утга зохиолын нэгдлээс Хэнтий аймгийн Онцгой комисс, Онцгой байдлын газар болон цар тахлын нөхцөл байдалд ажиллаж буй төрийн байгууллагын албан хаагчдын хэрэгцээнд зориулж нийт 30 мянган амны хаалт хандивлажээ. Хандивыг “Хэрлэн тооно” утга зохиолын нэгдлийн гишүүд өнөөдөр Хэнтий аймгийн ИТХ-ын дарга Г.Хэрлэнчулуун болон Онцгой байдлын газрын дарга Ж.Эрдэнэбат, Цэргийн хэлтсийн дарга Н.Хүрлээ нарт гардуулан өглөө.
Эдгээр амны хаалтыг БНХАУ-ын CCTV-ийн монгол хэлний редакцын хамт олноос “Хэрлэн тооно” утга зохиолын нэгдэлд хандивласан юм байна. Уг хандивыг ийнхүү Хэнтий аймгийн Онцгой комисс, Онцгой байдлын газар болон цар тахлын эсрэг тэмцэж буй төрийн бусад байгууллагын ажилтан, алба хаагчдын хэрэгцээнд зориулан илгээж байгаа аж.
