Thursday, November 19, 2026

Д.Зоригоо: Надад оффшор хадгаламж ч, АТГ-аас ч шалгагдаж байгаа хэрэг ч байхгүй

Date:

Замын-Үүд боомт дээр олон мянган чингэлэг ачаа гацсанаас болж Засгийн газар тус боомтын гаалийн дарга, мэргэжлийн хяналтын дарга, авто тээврийн дарга нарыг ажлаас нь чөлөөлж орны хүмүүсийг нь Улаанбаатар хотоос томилсон. Үүнээс хойш бараг хоёр сар болж байгаа ч “Замын-Үүд дэх гацаа” арилаагүй, өдөрт орж гардаг автомашины тоо олигтой нэмэгдээгүй байна. Харин ажлаа өгсөн дарга нарын талаар элдэв мэдээлэл мэр сэр хэвлэлийн хуудаснаа гарч байсан билээ. Тэдний нэг, Замын-Үүдийн гаалийн даргаар ажиллаж байсан Д.Зоригоог ажлаа өгсний дараахан 37 тэрбум төгрөгийн оффшор хадгаламжтай, АТГ-т шалгагдаж байгаа гэх зэргээр хэвлэлээр мэдээллүүд гарч байсан.

Харин энэ бүхэнд Д.Зоригоо өөрийн сошиал хуудсаараа хариулт өгчээ. Тэрбээр, “Миний бие Замын-Үүдийн гаалийн даргаар ажиллаж байгаад дээд шатны шийдвэрээр албан ажлаа хүлээлгэн өгөөд хоёр сар болж байна. Энэ хугацаанд намайг 37 тэрбум төгрөгийн оффшор хадгаламжтай, АТГ-т шалгагдаж байгаа гэх мэтээр удаа дараа ул үндэслэлгүй нотлох баримтгүй мэдээлллүүдийг зарим сайт, нэр бүхий хэвлэл мэдээллийн хэрэгслээр цацлаа. Би өөрөө ч хуулийг байгууллагад шалгагдаж байгаагаа мэдээгүй байж сайтуудаар уншдаг болов. Энэ нь миний хувь хүний болон албаны нэр хүндэд ноцтой халдаж байгаа учраас өөрийн байр сууриа илэрхийлэх нь зөв гэж үзлээ. Д.Зоригоо надад ямар нэг оффшор данс, авлига албан тушаалын хэргээр АТГ болон хуулийн байгууллагуудад шалгагдаж байгаа нэг ч хэрэг байхгүй. Хэрэв тийм зүйл байвал хариуцлага хүлээхэд бэлэн байна” гэсэн байв.

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

Share post:

Онцлох мэдээ

Хөрөнгө хураах тухай хуулийн төслийг УИХ-д өргөн барина

Монгол Улсын Ерөнхий сайд Н.Учрал өнөөдөр хэвлэл мэдээллийнхэнд хийсэн...

Эгийн голын УЦС төслийг байгаль орчинд сөрөг нөлөөгүй хэрэгжүүлэх боломжтой гэсэн урьчилсан дүгнэлт гарчээ

Монгол, Оросын эрдэмтдийн хамтарсан судалгаагаар Эгийн голын усан цахилгаан...

Ц.Галбадрахын уран хайчилбарын “Үзэсгэлэнт Монгол” цомогийн нээлт боллоо

Монголын сэтгүүлчдийн нэгдсэн эвлэлийн болон Монголын зохиолчдын эвлэлийн шагналт...