Японы мэргэжлийн сүмогийн долдугаар сарын тэмцээн Нагоя башёгийн оноолт буюу банзүкэ гарчээ. Ирэх сард сүмогийн дээд зиндаанд зүүн жигүүрийг их аварга Хакүхо М.Даваажаргал тэргүүлэн барилдана. Их аварга Какүрюү М.Ананд зодог тайлснаар сүмогийн дээд зиндаанд ганц их аварга барилдаж байгаа юм.
Өнгөрсөн тавдугаар сарын башёд түрүүлсэн озэки Тэрүнофүжи Г.Ган-Эрдэнэ их аварга Хакүхогийн араас зүүн жигүүрийн хоёрт эрэмбэлэгдэн озэки цолтнуудаа манлайлан барилдахаар болжээ. Тэрүнофүжигийн хувьд ирэх сарын башёд түрүүлбэл их аварга цолны болзол сонсох нь тодорхой болоод байгаа юм. Тэдний араас Ичиножо А.Ичинноров маэгаширагийн баруун жигүүрийн хоёрт эрэмбэлэгдсэн байна. Хоошорюү С.Бямбасүрэн маэгаширагийн баруун жигүүрийн тавд, Кирибаяма Б.Лхагвасүрэн маэгаширагийн баруун жигүүрийн зургаад, Чоёошима Г.Мөнхсайхан маэгашигийн баруун жигүүрийн долоод, Тамаваши Б.Мөнх-Оргил маэгаширагийн зүүн жигүүрийн аравт тус тус эрэмбэлэгджээ.
