Японы мэргэжлийн сүмогийн тавдугаар сарын тэмцээн нацү башё Токио хотноо үргэлжилж байна. Башёгийн ес дэх өдөр озэки Тэрүнофүжи Г.Ган-Эрдэнэ сэкивакэ Такаясүгээр ээлжит даваагаа авч, тэмцээнийг ганцаар хошуучилсан хэвээр байна. Түүний араас долоон даваа, хоёр унаатай таван бөх нэхэж байгаа юм.
Бусад монгол сүмочдын хувьд Кирибаяма Б.Лхагвасүрэн өнөөдөр өвдөг шородсоноор хоёр даваа, долоон унаатай болов. Харин Хоошорюү С.Бямбасүрэн озэки Шодайг өвдөг шороодуулж, дөрвөн даваа, таван унаатай болоод байна.
Ичиножо А.Ичинноров өнөөдөр учраагаа давж, долоон даваа, хоёр унаатай болсноор 50 хувийн амжилтаа үзүүлэх босгон дээр ирээд байна. Тамаваши Б.Мөнх-Оргил, Чиёошома Г.Мөнхсайхан нар өнөөдөр өвдөг шороодсоноор хоёулаа таван даваа, дөрвөн унаатай болжээ.
