Нүүр хуудасМЭДЭЭДОТООД МЭДЭЭШадар сайд С.Амарсайхан...

Шадар сайд С.Амарсайхан Б.Билгүүний ажлыг хангалтгүй гэж үнэллээ

Шадар сайд С.Амарсайхан өөрийн харъяалалд байх Стандарт, хэмжил зүйн газарт очиж ажил байдалтай танилцав. Тус газрын даргын үүргийг түр орлон гүйцэтгэгчээр Б.Билгүүн гэх нөхөр 2017 оноос хойш тавын таван жил “түр хугацаагаар орогнон” ажиллаж байгаа билээ. Тиймээс мэргэжлийн бус, хууль бус “Түр дарга” Б.Билгүүн ажил байдлаа танилцуулсан юм.

Энэ үеэр Шадар сайд “Гурван сарын өмнө намайг Шадар сайдын ажилд томилогдоход л нэг ийм зөрүү буруу тоо, алдаатай мэдээ өгч байсан. Түүнд эд хогшил, төсвийн жаахан орлогоос өөр зүйл байгаагүй. Яг хэвээрээ. Ажил үнэхээр хангалтгүй байна. Аль эрт батлагдсан стандарт хэвээрээ байгааг харлаа. Аливаа стандартыг батлах нэг өөр, амьдрал дээр хэрэгжүүлэх нэг өөр. Та бүхэн нэг стандарт батлуулчихаад ажил хийсэн гэж харах юм. Үүнийг хангуулан ажиллах үүрэг нь та нарынх учраас хангалтгүй байна. Ажил байдлаа сайжруул” хэмээн “Түр дарга” Б.Билгүүнд тодорхой хугацаатай үүрэг өглөө. Уг нь томилогдохоосоо эхлээд хууль бус ажилласан түүнд хугацаа өгч цаг алдах хэрэггүй мэт. Төр албаа авахаа авч, өгдгөө өгдөг зангарагтай байх ёстой.

С.Амарсайханы хувьд цар тахлын дэгдэлттэй амаргүй үед Шадар сайдын алба хүлээн авсан ч ийнхүү өөрийн багцад хамаарах агентлагт очиж, ажил байдлаа урагшлуулах үүрэг өгөн, шүүмжилж байгаа нь төрийн ажил аль ч талаараа цалгардалгүй явж байгааг харуулсан явдал юм. Тэр тусмаа стандарт, хэмжил зүйн салбарынхан хууль бус даргаа удаа дараа шүүмжилж, салбарын ажил унаж байгааг эсэргүүцэж байгаа энэ үед нүдээ олсон зүйл гэлтэй.

“Түр дарга” Б.Билгүүний хууль бус үйлдлийн талаар цухас дурдахад л “хугацаа өгч цаг алдах хэрэггүй” гэдгийг та бүхэн ойлгох байх. Тухайлбал, 2016 онд Стандарт, хэмжилзүйн газрын Дэд даргын түр орлон гүйцэтгэгчээр томилогдож, 2017 онд даргын түр орлон гүйцэтгэгч болж, өнөөдөр таван жил түр орлон гүйцэтгэгчээр ажиллаж байгаа нь өөрөө хууль бус юм.

Б.Билгүүн томилогдсон цагаас хойш их засвар хийх, тоног төхөөрөмж худалдан авах нэг ч төгрөг төсөвт батлагдаагүй, Засгийн газраас бүх төрлийн засвар хийхийг хориглосон тогтоол, шийдвэрүүд гарчихаад байхад Төв байрны засварын зардалд 595 сая төгрөг зарцуулан тогтоол шийдвэр зөрчиж байсныг бид мэднэ. Ийнхүү Засгийн газрын тогтоол шийдвэр зөрчин тендер зарлахдаа ч танил тал татсан, авлигын шинжтэй баримт байгаа салбарынхан хэлж байсан.

Мөн Б.Билгүүн нь энэ мэт Засгийн газрын тогтоол шийдвэр зөрчихөөс гадна хууль бус томилгоо хийж байсныг ч дуулгаж байсан. Тодотговол Газрын тосны газарт хамт ажиллаж асан О.Оюунтуяа, тус агентлагийн Хяналт,шинжилгээний газрын дарга Б.Ууганбаярын найз Б.Эрхүү нарыг хоёр жил гаруй хууль бусаар авч ажиллуулан, татвар төлөгчдийн олон арван сая төгрөгийг үргүй зарцуулж байсныг Төрийн албаны зөвлөлөөс шалгаж тогтоосон учраас хууль бус томилгоог хүчингүй болгож байв. Энэ мэт дурдаад байвал Б.Билгүүнийг маргааш биш, өнөөдөр ч биш, бүр өчигдөр төрийн хариуцлагтай албанаас буулгах байлаа.

Get notified whenever we post something new!

spot_img

Create a website from scratch

Just drag and drop elements in a page to get started with Newspaper Theme.

Continue reading

Орон нутгийн өмчийн оролцоотой “Тавантолгой” ХК-ийн үйл ажиллагааг Засгийн газрын шууд хяналтад авч, онцгой дэглэм тогтоолоо

Засгийн газрын ээлжит бус хуралдаан өнөөдөр буюу 2022 оны арванхоёрдугаар сарын 9-нд болж дараах асуудлуудыг хэлэлцэн баталжээ. Орон нутгийн өмчийн оролцоотой “Тавантолгой” ХК-ийн үйл ажиллагааг Засгийн газрын шууд хяналтад авч, онцгой дэглэм тогтоолооӨмнөговь аймгийн Цогтцэций сумын нутаг дэвсгэрт байрлах орон...

М.Мандахмягмар: Тогтвортой хөгжилд манлайлагч манлайлагч байхын тулд бид энэ чиглэлд бодитой, дорвитой алхмууд хийнэ

 ХААН Банкны Тогтвортой хөгжлийн газрын захирал М.Мандахмягмартай ярилцлаа. -Дэлхий нийтээрээ Тогтвортой хөгжлийн төлөө зорьж, үүрэг амлалт авснаас хойш 7 жилийн хугацаа өнгөрчээ. Тогтвортой хөгжил гэж юу болохыг хүмүүс гадарлах болж, аж ахуйн нэгжүүд, хувь хүмүүс дор бүрнээ хувь нэмрээ оруулахаар...

Монгол Улсын Ерөнхийлөгч У.Хүрэлсүх Засгийн газар, хууль, хүчний байгууллагын удирдлагуудыг дуудаж уулзав

Монгол Улсын Ерөнхийлөгч Ухнаагийн Хүрэлсүх өнөөдөр 12.30 цагт Монгол Улсын сайд, Засгийн газрын Хэрэг эрхлэх газрын дарга Д.Амарбаясгалан, Хууль зүй, дотоод хэргийн сайд Х.Нямбаатар, Зэвсэгт хүчний Жанжин штабын дарга, бригадын генерал С.Ганбямба, Монгол Улсын Ерөнхий прокурор Б.Жаргалсайхан, Тагнуулын ерөнхий...

Enjoy exclusive access to all of our content

Get an online subscription and you can unlock any article you come across.