Японы мэргэжлийн сүмогийн тавдугаар сарын башёгийн найм дахь өдрийн барилдаан өндөрлөлөө. Тэрүнофүжи Г.Ган-Эрдэнэ өнөөдөр Дайэшог давснаар хамгийн түрүүнд 50 хувийн амжилтаа үзүүллээ. Тэрбээр нэг ч өвдөг шороодолгүй башёг хошуучилж байна.
Дээд зиндаанд барилдаж буй монгол бөхчүүдээс Хоошорюү С.Бямбасүрэн өнөөдөр озэки Асаноямаг өвдөг шороодуулан гурав дахь даваагаа авсан бол Кирибаяма Б.Лхагвасүрэн сэкивакэ Такаяасүд унаснаар хоёр даваа, зургаан унаатай болжээ. Ичиножо А.Ичинноров өнөөдөр учраагаа давснаар зургаан даваа, хоёр унаатайгаар тэмцээнийг үргэлжлүүлж байна. Тамаваши Б.Мөнх-Оргил өнөөдөр өвдөг шороодсоноор таван даваа, гурван унаатай болсон бол Чиёошома Г.Мөнхсайхан учраагаа давж, мөн таван даваа, гурван унаатай болжээ.
