Японы мэргэжлийн сүмогийн тавдугаар сарын башёгийн тав дахь өдрийн барилдаанд Тэрүнофүжи Г.Ган-Эрдэнэ маэгаширагийн зүүн жигүүрийн тэргүүн бөх Вакатакакагэгээр ээлжит даваагаа авч, өвдөг шороодолгүй ганцаар тэмцээнийг тэргүүлж байна.
Тамаваши Б.Мөнх-Оргил /4-1/ өнөөдөр нутаг нэгт сүмоч Чиёошомо Г.Мөнхсайханаар /2-3/ даваагаа ахиулж, башёг тэргүүлэгчдийн хоёрдугаар эгнээнд бичигдсэн хэвээр байна. Мөн өнөөдөр Ичиножо А.Ичинноров /3-2/, Хоошорюү С.Бямбасүрэн /2-3/ нар оноолт таарч, Хоошорюү давжээ. Кирибаяма Б.Лхагвасүрэн озэки Такакэйшод өвдөг шороодон нэг даваа, дөрвөн унаатайгаар тэмцээнийг үргэлжлүүлж байна.
