Сонгинохайрхан дүүргийн 11-р хорооны оршин суугч М-ын 5 ханатай гэр шатаж, иргэн М галд өртөж нас барсан хэрэг өчигдөр гарчээ. Мөн 5 иргэн түлэгдэж нийслэлийн яаралтай түргэн тусламжийн төвд хүргэгдсэн байна. Тус гал түймэр дээр Хан-Уул дүүргийн ОБХ-ийн ГТУА 29-р анги ажилласан байна. Мөн Сүхбаатар дүүргийн 11-р хороо, “Хангай” хотхоны хойд талд 2х2.5 метрийн хэмжээтэй амбаар шатсан дуудлагаар ГТУА 10 дугаар анги ажиллаж унтраажээ. Уг гал түймэрт нэр, нас тодорхойгүй эрэгтэй хүн өртөж нас барсан байна.
Өнөө өглөө үүрээр тус дүүргийн 19-р хороо Хандгайтын богинод гарсан гал түймрийн дуудлагаар тус дүүргийн ГТУА 74, 34 ангиуд ажиллаж байна. Ахуйн гал түймэрт хүний амь нас өртөх эрсдэл өндөр байгаа тул сонор сэрэмжтэй байхыг Нийслэлийн Онцгой байдлын газраас анхааруулж байна.
