ЭМЯ-наас коронавируст цар тахлын нөхцөл байдлын талаарх ээлжит мэдээллээ хийлээ. Өнгөрсөн 24 цагийн хугацаанд 13635 хүнд шинжилгээ хийснээс 983 шинэ тохиолдол бүртгэгдэж, улсын хэмжээнд бүртгэгдсэн нийт тохиолдол 20655 болж нэмэгдсэн байна. Харин 24 цагийн дотор 406 хүн эдгэрч, нийт 11450 хүн эдгэрэн гараад байгаа юм байна. Өчигдрийн мэдээллээс хойш дөрвөн хүн коронавируст халдварын улмас нас баржээ. Нас барсан хүмүүсийн хувьд 70-85 насныхан байжээ. Өнөөдрийн байдлаар дотоодын халдварын улмаас 41 хүн нас бараад байна.
Шинээр бүртгэгдсэн 983 тохиолдлын дотор гадаадас ирсэн 3 иргэнээс халдвар илэрсэн байна. Улаанбаатарт 895, орон нутагт 85 тохиолдол бүртгэгджээ. Орон нутагт бүртгэгдсэн тохиолдлуудыг аймгаар нь авч үзэхэд Дархан-Уулд 28, Орхонд 13, Увсад 3, Хөвсгөлд 54, Ховдод 2, Сэлэнгэд 2, Төв аймагт 4, Баянхонгор аймагт 1, Говьсүмбэрт 1, Дундговьд 3, Хэнтийд 3, Сүхбаатарт 18 тохиолдол шинээр бүртгэгдсэн байна. Эмчлүүлж байгаа хүмүүсийн биеийн байдлын хувьд маш хүнд 57, хүнд 223, хүндэвтэр 791, хөнгөн 2060 хүн байгаа аж.
