Монгол Улсын Ерөнхий сайд Л.Оюун-Эрдэнэ цэнхэр дэлгэцээр ард түмэндээ хандан ийн мэдээллээ. Тэрбээр цар тахлын эсрэг тэмцэх цорын ганц үр дүнтэй арга нь вакцинжуулалт болохыг онцлоод зургаадугаар сарын 1 гэхэд нийслэлийн бүх иргэдийг, долдугаар сарын 1 гэхэд орон нутгийн иргэдээ вакцинд бүрэн хамруулж, ингэснээр эрүүл мэндээ хамгаалж, эдийн засгаа сэргээх боломж бүрдэнэ гэлээ.
Ташрамд дурдахад, нийслэлийн хэмжээнд вакцинжуулалтыг эрчимжүүлж өдөрт 30 мянган хүнийг хамруулах зорилт тавиад байгаа юм. Тухайлбал, өнөөдөр 30 мянган хүнийг вакцинд хамруулна гэдгээ ЭМЯ мэдэгдсэн. 16:00 цагийн байдлаар 20118 хүн вакцинд хамрагдаад байв. Маргааш буюу дөрөвдүгээр сарын 5-наас эхлэн 18-аас 49 насныхан вакцинд хамрагдана. Вакцинжуулалтын цэгүүд 18:00 цаг хүртэл цэгүүд ажиллах бөгөөд одоо байгаа 64 цэгээ маргааш 80 гаруй болгож нэмэгдүүлэхэр болжээ. Байнгын болон түр цэгүүдийг танилцуулж байна.
