Монголын Үндэсний бөхийн холбооны тэргүүний үүрэг гүйцэтгэгч, улсын харцага Ц.Магалжав энэ сарын 14-ний өдөр Аваргуудын зөвлөлийнхөнтэй уулзжээ. Уг зөвлөлийн уулзалтад Улсын аварга О.Балжинням, С.Мөнхбат, Г.Эрхэмбаяр, Ч.Санжаадамба, Н.Батсуурь, П.Бүрэнтөгс, аймгийн арслан Р.Дамдин, аймгийн заан Р.Сэддорж нар оролцож Монгол үндэсний өв, соёл болох үндэсний бөхийнхөө талаар санал солилцлсон байна.
МҮБХ хорио цээрийн дэглэмийн үед заасан шаардлагыг хангаж 2021 оны гуравдугаар сарын 20-ны бямба гарагт Монгол бөхийн өргөөнд 12:00 цагаас Аваргуудын зөвлөл болон Монгол Улсын аварга цолтой бөхчүүдтэйгээ хийх уулзалтыг товложээ.
