“Ковид-19” цар тахал гарсантай холбогдуулан “Бүх нийтийн бэлэн байдлын зэрэг”-т шилжиж 2021 оны хоёрдугаар сарын 11-ний өдрийн 06:00 цагаас 2021 оны хоёрдугаар сарын 23-ний өдрийн 06:00 цаг хүртэл хатуу хөл хориог тогтоосон. Бүх нийтийн бэлэн байдлын зэрэг ирэх мягмар гарагт дуусгавар болох гэж байгаатай холбогдуулан Авто тээврийн үндэсний төвөөс хот хоорондын нийтийн тээврийн үйлчилгээг эхлүүлэх бэлтгэлийг хангаж байгаа ажээ. Хоёрдугаар сарын 23-ний өдрөөс эхлэн иргэд хот хоорондын тээврээр зорчихдоо дараах зааварчилгааны дагуу халдвар хамгааллын дэглэм барьж зорчихыг Авто тээврийн үндэсний төвөөс анхааруулж байна.
