Засгийн газар ээлжит бусаар 17:00 цагаас эхлэн хуралдаж хатуу хөл хорионы дэглэмийг сунгах эсэх асуудлаар хуралдлаа. Хуралдаанаар бүх нийтийн бэлэн байдлын одоогийн зэргийг сунгах, эсэх асуудлыг хэлэлцэж шийджээ. Ингэхдээ Улаанбаатар, Архангай, Сэлэнгэ аймгийн одоогийн бүх нийтийн бэлэн байдлын зэргийг 10 хоног сунгах шийдвэр гаргасан байна. Гэхдээ зарим салбарын тэр дундаа боловсруулах үйлдвэрийн үйл ажиллагааг нээх шийдвэр гарчээ. Ингэснээр хөл хорио 2020 оны 12 дугаар сарын 11-нийг хүртэл үргэлжлэх нь.
Мөн 17 градусаас доош согтууруулах ундааг худалдаанд гаргах асуудлыг шийдсэн байна. Эх сурвалжийн хэлж буйгаар бусад аймгийн бүх нийтийн бэлэн байдлын зэргийг сулруулж өндөржүүлсэн бэлэн байдлын зэрэгт шилжүүлжээ. Энэ тухай дэлгэрэнгүй мэдээллийг Засгийн газрын хуралдаан дууссаны дараа албан ёсоор мэдээлэх юм байна.
