Соёлт хүн төрөлхтөн багш хэмээх энэ эрхэм нандин мэргэжлийг үеийн үед дээдлэн хүндэтгэж, алдаршуулан магтаж, ном зохиол, хөшөө дурсгал, урлагийн бүтээлд мөнхөлсөөр иржээ. Тухайлбал, багшийн алдрыг магтан дуулсан хөшөө дурсгал дэлхийн олон улс оронд сүндэрлэж байдаг. Тэдгээрээс ОХУ-д хамгийн олон багшийн хөшөө байдаг ажээ. Манай улсад ч багшийн алдрыг мөнхжүүлсэн хөшөө бий. Монгол Улсын төрийн шагналт, ардын уран зохиолч Ш.Сүрэнжав алдарт “Багш” найраглал эдүгээгээс 10 жилийн тэртээ буюу 2010 онд хөшөөнд мөнхөрсөн билээ. Бяцхан хүү “Багш” найраглалыг дэвтэртээ хуулан бичиж, цүнх үүрч, бамбаруушаа хөтөлсөн охин уншиж буйгаар дүрсэлсэн уг хөшөөг МУБИС-ийн Багшийн сургуулийн өмнө сүндэрлүүлэн босгосон юм. Ташрамд дурдахад энэ жил “Багш” найраглалийн 35 жилийн ой тохиож буй билээ.
Ингээд дэлхийн өнцөг булан бүрт сүндэрлэсэн багшийн хөшөөнүүдээр аялцгаая.
ОХУ-ын Волгоград хот дахь анхны багшийн хөшөө
Армений Ереван хот дахь багш, шавийн хөшөө. Энэ хөшөө нь 362-440 онд амьдарч байсан Арменийн улстөрч, теологич, хэл шинжээч, хөгжмийн зохиолч, шүлэгч Месроп Маштоцыг шавь Егишэд армен цагаан толгой зааж байгаагаар дүрсэлсэн ажээ. Егишэ буюу Эгише нь V зууны үеийн Армений нэрт түүхч бөгөөд арменчүүд персүүдийн эсрэг амжилттай тэмцсэн бослогын түүхийг бичиж үлдээснээрээ алдартай.
ОХУ-ын Москва хот дахь багшийн хөшөө
ОХУ. Москвагийн Авто зам ба замын техникийн их сургуулийн (МАДИ) өмнөх багшийг хөшөө.
Испанийн Паленси хот дахь багшийн хөшөө.
ОХУ. Белгород хот дахь анхны багшийн хөшөө.
ОХУ. Оренбург хот дахь багшийн хөшөө
Япон. Хирошимагийн төв Нака кү дэх багш шавийн хөшөө. Хирошимагийн атомын бөмбөгдөлтөд 200 орчим багш, 2000 сурагч өртсөн ажээ. Тэдний дурсгалд уг хөшөөг зориулсан байна.
ХБНГУ. Росток хот дахь багш шавийн хөшөө.
