БНХАУ-д “COVID-19”-ийн халдвар эргэн дэгдсэн байна. Тус улсын хэмжээнд тохиолдол шинээр бүртгэгдэлгүй сар гаруй болсон. Ийнхүү цар тахлын тархалт харьцангүй буурч, хяналтад орсноор үзвэр үйлчилгээ, аялал жуулчлал гээд бүхий л салбарын үйл ажиллагааг аажмаар сэргээх алхмуудыг авч эхэлсэн юм.
Гэтэл өчигдрөөс Бээжин, Шанхай хотууд болон Өвөрмонгол, Гуандун муж зэрэг хэд хэдэн газарт коронавирусийн халдвар илэрчээ. Үүний улмаас ирэх аравдугаар сарын эхний долоо хоногт тохиох Хятадын үндэсний баярын амралтын бүх зугаалга, тийзүүдийг цуцалж эхэлсэн байна.
