Монгол Улсад суугаа АНУ-ын Элчин сайдын яамнаас визийн асуудлаар албан мэдээлэл гаргажээ. Уг мэдээлэлд “Монгол Улсад суугаа АНУ-ын Элчин сайдын яамны зүгээс олон тооны виз мэдүүлэгчид визийн хураамж төлсөн хэдий ч ярилцлагын цагаа товлохоо хүлээж байгааг ойлгож байна. ЭСЯ-ны визийн бүх үйлчилгээг энгийн горимд аюулгүй түргэн шуурхай хүргэхээр хичээнгүйлэн зорьж байгаа. ЭСЯ-ны Консулын үйлчилгээ зогссоны улмаас ярилцлагын цаг товлох боломжгүй үлдсэн виз мэдүүлэгчдэд цаг товлох нөхцөлийг бүрдүүлэхийн тулд визийн хураамж (MRV)-ийн хүчинтэй хугацааг 2021 оны арванхоёрдугаар сарын 31 хүртэл сунгаж байна. Визийн үйлчилгээ энгийн горимд шилжих тухай шинэ мэдээ мэдээллийг ЭСЯ -ны цахим хуудаснаас тухай бүрд харах боломжтой” хэмээсэн байна.
Визийн үйлчилгээний талаарх мэдээллийг АНУ-ын Элчин сайдын яамны https://mn.usembassy.gov/ цахим хуудаснаас цаг алдалгүй авах боломжтой юм.
