Тэрүнофүжи өвдөг шороодсон ч башёг тэргүүлсэн хэвээр байна

Японы мэргэжлийн сүмогийн долоодугаар сарын башёгийн арван дөрөв дэх өдрийн дараах байдлаар Тэрүнофүжи Г.Ган-Эрдэнэ арван хоёр даваа, хоёр унаатайгаар ганцаар тэргүүлж байна. Тэрбээр өнөөдөр сэкивакэ Шодайд өвдөг шороодсон ч тэргүүлэгчийн байр сууриа хадгалсан хэвээр байгаа юм. Түүний араас нэхэж буй озэки Асанояама , сэкивакэ шодой нар гурван унаатай болоод байгаа юм. Маргааш башёгийн ялагч тодрох бөгөөд Тэрүнофүжи давбал шууд түрүүлнэ. Харин тэр өвдөг шороодож, Асанояама,Шодай нар давбал нэмэлт барилдаанаар ялагчийг тодруулна.