АНУ-ын Ерөнхийлөгчийн үндэсний аюулгүй байдлын асуудал хариуцсан туслах Роберт О’Брайен шинэ коронавирусийн халдвар авсан болохыг Цагаан ордон нотлов. Цагаан ордны мэдэгдэлд “О’Брайенын өвчний шинж тэмдэг хөнгөвтөр, өөрийгөө тусгаарлаж, зайнаас ажиллаж байгаа. Ерөнхийлөгч Дональд Трамп, дэд ерөнхийлөгч Майк Пенс нар вирусийн халдвар авах эрсдэлгүй бөгөөд О’Брайен тэргүүтэй Үндэсний аюулгүй байдлын зөвлөлийн ажилд нөлөөлөхгүй” гэж дурджээ.
О’Брайен өнгөрсөн оны есдүгээр сард одоогийн албан тушаалаа авсан бөгөөд өнөөдрийг хүртэл, шинэ коронавирусийн халдвар авсан АНУ-ын засгийн газрын хамгийн өндөр албан тушаалтан болжээ. О’Брайен хамгийн сүүлд долоодугаар сарын 10-нд Флорида дахь АНУ-ын Өмнөд Команданд ерөнхийлөгч Д.Трамптай хамт арга хэмжээнд оролцсон байна.
