Улсын онцгой комисс ирэх наймдугаар сард нийт найман чиглэлд 14 удаагийн тусгай үүргийн нислэг үйлдэн, 3460 иргэнээ эх орондоо татан авчрахаар болжээ. Тодруулбал, Сөүл рүү 3 удаа, Франкфурт руу мөн 3 удаа, Токио руу 2 удаа, Австралийн Сидней рүү нэг удаа, Энэтхэг, Вьетнамаас иргэдээ татах тусгай үүргийн нислэгийг 1 удаа, Туркийн Истанбул руу 1 удаа, АНУ руу нэг удаа нислэг үйлдэх юм байна. Мөн Олон улсын шилжилт хөдөлгөөний байгууллагын шугамаар Чехийн тусгай үүргийн онгоцыг хүлээн авч, тус улсаас иргэдээ татан авах шийдвэрийг Улсын Онцгой комисс гаргажээ.
Долоодугаар сард 14 удаа тусгай үүргийн нислэг үйлдэж гаднын улс орнуудаас иргэдээ татан авсан. Ирэх сард энэ давтамжаа бууруулалгүй тусгай үүргийн нислэг үүргийн нислэг үйлдэх бөгөөд тухайн үед нь дахин ярилцаж, нэмэлт нислэг үйлдэх боломжийг судлах ажээ.
