Улсын Онцгой комисс хуралдаж гамшгаас хамгаалах өндөржүүлсэн бэлэн байдлын зэрэгт шилжүүлсэн хугацааг сунгах эсэх болон есдүгээр сарын 1-ний өдрөөс бүх шатны сургуулиуд болон цэцэрлэгүүдийн үйл ажиллагааг үе шаттайгаар нээх эсэх зэрэг асуудлуудыг хэлэлцэн шийдвэрлэжээ.
Олон улсад коронавирусийн халдвар дэгдсэний улмаас 2020 оны нэгдүгээр сарын 30-ны өдрөөс Монгол Улсын Засгийн газрын шийдвэрээр хөл хорионы дэглэм тогтоож, сургууль, цэцэрлэгүүдийг хаасан юм.
Улсын Онцгой комиссын өнөөдрийн хуралдаанаас бүх ерөнхий боловсролын сургууль, цэцэрлэгийн үйл ажиллагааг есдүгээр сарын 1-нээс, их, дээд сургуулийн хичээлийг есдүгээр сарын 14-нөөс эхлүүлэх шийдвэр гаргажээ. Ингэхдээ хичээлийг зайнаас танхимаар зохион байгуулах шийдэлд хүрсэн байна.
Улсын Онцгой комиссоос гаргасан дээрх шийдвэрийг маргааш болох Засгийн газрын хуралдаанаар эцэслэн шийдвэрлэх юм байна.
