ОХУ, БНХАУ-ын төрийн эрх баригч нам хоорондын яриа хэлцийн механизмын 8-р удаагийн хурал өчигдөр цахим хурлын хэлбэрээр явагджээ. ХКН-ын Төв хорооны ерөнхий нарийн бичгийн дарга, БНХАУ-ын дарга Ши Жиньпин, ОХУ-ын ерөнхийлөгч В.Путин нар хуралд тус тус баярын захиа ирүүлсэн байна.
Ши Жиньпин, “COVID-19” цар тахал дэгдсэнээс хойш ОХУ, БНХАУ харилцан туслалцаж, зовлон бэрхшээлээ хамтатган, хүндрэл бэрхшээлийг хамтаар туулж, гаднын хөндлөнгийн оролцоог эсэргүүцэн, хоёр орны хамтын ажиллагаанд стратегийн шинэ агуулга нэмэрлэж, Хятад, Оросын ард түмний гүн зузаан найрамдлыг бүрэн харуулж, шинэ эрин дэх Хятад, Оросын харилцааны өндөр түвшин болон онцгой шинжийг тусгалаа гэжээ.
Ши Жиньпин, улс төрийн намын механизмжсан харилцаа хамтын ажиллагаа бол ОХУ, БНХАУ-ын стратегийн харилцаа холбоо, зохицуулалтын чухал индэр, зам суваг юм. Хоёр намын төлөөлөгчид хурлын гол сэдвийн хүрээнд бүрэн гүйцэд солилцоо өрнүүлж, харилцаагаа гүнзгийрүүлэн, Хятад, Оросын шинэ эриний иж бүрэн стратегийн хамтын ажиллагааг гүнзгийрүүлэхэд оюун ухаан, хүчин чадал нэмэрлэхийг хүсэж байна гэсэн байна.
В.Путин баярын захиандаа, ОХУ, БНХАУ-ын төр баригч намын яриа хэлцэл бол хоёр орны харилцааны чухал бүрэлдэхүүн хэсэг байсаар ирсэн юм. Энэ удаагийн хурал нь баялаг үр бүтэмжтэй зөвшилцөл өрнүүлж, шинэ үзэл санаа шинэ санаачилга дурдаж, хоёр улсын иж бүрэн стратегийн хамтын ажиллагааны түншийн харилцааг улам бэхжүүлэх болно гэдэгт эргэлзэхгүй байна гэжээ.
