Японы мэргэжлийн сүмогийн Нагоя башёгийн тав дахь өдрийн дараах байдлаар их аварга Хакүхо М.Даваажаргал нэг ч уналгүйгээр тэмцээнийг тэргүүлсэн хэвээр байна. Тэрбээр өчигдөр маэгаширагийн баруун жигүүрийн хоёр дахь бөх Оношогоор даваагаа ахиулжээ. Озэки Асанояма өчигдөр Монголын сүмоч Кирибаяма Б.Лхагвасүрэнг давснаар мөн таван даваатайгаар тэмцээнийг тэргүүлэгчдийн эгнээнд үлдэж чаджээ.
Нагоя башёг тэргүүлж буй их аварга, озэки нараас гадна сэкивакэ Митакэүми, маэгашира Мёогирюү, Котошохо нар өвдөг шороодолгүй амжилттай барилдаж байгаа юм. Тэрүнофүжи Г.Ган-Эрдэнэ өчигдөр Такаяасүд унаснаар тэргүүлэгчдийн эгнээнээс ухарчээ.
