МАН-ын Бага VII хурал өнөөдөр 10 цагт Тусгаар тогтнолын ордонд эхлэхээр тов зарлагдсан. МАН-ын Бага хурлыг МАН-ын дарга, Монгол Улсын Ерөнхий сайд У.Хүрэлсүх үг хэлсэн байна. УИХ-ын найм дахь удаагийн сонгуульд үнэмлэхүй олонх болсон МАН Бага хурлаараа Ерөнхий сайдад хэнийг нэр дэвшүүлэхээ хэлэлцэж шийдвэрлэх юм. Бага хурлыг МАН-ын Ерөнхий нарийн бичгийн дарга Д.Амарбаясгалан, УИХ-ын гишүүн М.Оюунчимэг нар удирдан явуулж байна.
МАН-ын VII хуралдаанд 189 төлөөлөгч хүрэлцэн ирсэн бөгөөд хөдөө орон нутгаас 97 хүн цахимаар оролцож байгаа бөгөөд ирц 87.5 хувьтай байгаа ажээ.
Сонгуульд ялалт байгуулсан намын дарга Ерөнхий сайд болдог жишигтэй. Энэ зарчмаар эдүгээгийн Ерөнхий сайд У.Хүрэлсүх Засгийн газраа үргэлжлүүлэн тэргүүлэх магадлал өндөр байгаа юм.
