Сонгуулийн санал хураалт өглөө 7.00 цагт эхэлснээс хойш таван цагийн дараах байдлаар буюу 12.00 цагт авсан мэдээллээр СЕХ-нд иргэдээс нийт 176 санал, гомдол иржээ. Эдгээр санал, гомдлын 165 нь санал өгөх хэсгийн хорооныхоо байршлыг асууж сурагласан тохиолдол байсан бол 11 нь санал авах байр, хэсгийн хороодын үйл ажиллагаатай холбоотой санал, гомдол байсан аж.
Одоогоор санал хураалтын явцад ямар нэгэн зөрчил гараагүй бөгөөд СЕХ-нд бүртгэгдсэн 606 нэр дэвшигчээс нэг ч хүний нэрийг эргүүлж татаагүй юм байна.
