Э.Оюунболдын нэхэмжлэлийг шүүх хэрэгсэхгүй болгож шийдвэрлэлээ

Нийслэл дэх Захиргааны хэргийн шүүх улсын аварга Э.Оюунболдын нэхэмжлэл бүхий Үндэсний баяр наадмыг зохион байгуулах хороонд холбогдох гомдлыг өнөөдөр хэлэлцэж шийдвэрээ гаргажээ. Шүүх Э.Оюунболдын нэхэмжлэлийг хэрэгсэхгүй болгож шийдвэрлэсэн байна. Ийнхүү Э.Оюунболдын өнгөрсөн жилийн үндэсний их баяр наадмын бүх давааг хүчингүй болгох, аварга цолыг нь хурааж, барилдах эрхийг нь хоёр жилээр хасах, түүнд унасан бөхчүүдийн давааг ахиулж цол, чимэг олгох тухай саналыг Үндэсний их баяр наадмыг зохион байгуулах хорооноос Ерөнхийлөгчид өргөн мэдүүлсэн нь холбогдох хууль тогтоомжид нийцсэн байна гэж шүүхээс үзжээ.