БНХАУ-ын Ухань хотын нийт иргэдэд хийсэн COVID-19 вирусийн эсрэг нуклейн хүчлийн шинжилгээний дүнг өчигдөр нийтэлжээ. Тавдугаар сарын 14-ны 00 цагаас зургаадугаар сарын 1-ний 24 цагийг хүртэлх байдлаар, Ухань хотод нийт 9 сая 899 мянган хүнд нуклейн хүчлийн шинжилгээ хийсэн байна. Шинжилгээний дүнд оношлогдсон тохиолдол гараагүй, өвчний шинж тэмдэггүй халдвар асан 300 өвчтөнийг илрүүлсэн нь 0.303 хувийг эзэлж байгаа аж. Өвчтөнтэй ойр байсан 1174 хүнийг эрж олсон бөгөөд тэдний нуклейн хүчлийн шинжилгээний дүн нь бүгд сөрөг гарсан байна.
Ийм өргөн цар хүрээнд нуклейн хүчлийн шинжилгээ хийсэн нь дэлхийн хэмжээнд анхдагч тохиолдол юм. Уханий нийт иргэдэд шинжилгээ хийсэн явдал нь олон улсын цар тахлыг тогтоон барих, сэргийлэх тэмцэлд бодит үлгэр жишиг үзүүлсэн ач холбогдолтой гэж мэргэжилтнүүд үзэж байна.
Эх сурвалж: www.cri.cn
