ФАТФ буюу олон улсын санхүүгийн гэмт хэрэгтэй тэмцэх байгууллагын саарал жагсаалтаас гарах ажлын хэсгээс мэдээлэл хийж байна. Сангийн сайд Ч.Хүрэлбаатар “Өчигдөр ФАТФ-ын нарийн бичгийн дарга нарын газраас бидний явуулсан тайланд хийсэн дүгнэлт ирсэн. Бидэнд даалгасан зургаан даалгаврын биелэлт хамгаалагдсан гэсэн байсан” хэмээн мэдэгджээ.
Монгол Улс ФАТФ-ын мөнгө угаах, терроризмыг санхүүжүүлэхтэй тэмцэх стратегийн дутагдалтай орнуудын жагсаалтад 2019 оны 10 дугаар сард орсноор нийт 4 шууд хэрэгжилтийн зөвлөмж дээр 6 үүрэг даалгавар авсан юм. Хагас жил гаруйн хугацаанд дээрх үүрэг даалгаврыг биелүүлснээр саарал жагсаалтаас гарах нөхцөлөө хангажээ.
