Физик, технологийн хүрээлэн дээр зохион байгуулагдсан өнгөрсөн 4 жилийн өдөрлөгийн материалыг нэгтгэн “𝜋- тооны өдөр” номыг хэвлэн гаргажээ.
Пи тоо гэдэг бол дэлхий ертөнц дээрх олон гайхамшгуудын нэг. Бид бага, дунд ангийн сурагч байхаасаа л энэ тоог мэддэг болсон байдаг. Гэхдээ 3,14 гэж л мэдэхээс цаашгүй шахам. Харин олон оронд жил бүр 𝜋- тооны өдөр гэж тэмдэглэдэг бөгөөд манай орны хувьд Физик, технологийн хүрээлэн дээр 2016 оны гуравдугаар сарын 14-ны өдрөөс эхлэн жил бүр 𝜋- тооны өдрийг Математикийн баяр болгон тасралтгүй тэмдэглэж иржээ. Энэ өдрийг анх 1988 оны гуравдугаар сарын 14-нд АНУ-ын Сан-Франциско хотын Эксплораториум шинжлэх ухааны музейн ажилтан, физикч Larry Shaw анх санаачлан тэмдэглэсэн бөгөөд 2009 оны гуравдугаар сарын 14-нд Үндэсний Пи тооны өдөр болгон тэмдэглэснээс хойш олон оронд тэмдэглэдэг болжээ. Энэ өдөр нь мөн алдарт физикч Альберт Эйнштейний төрсөн өдөр юм.
Манай улсын𝜋- тооны өдөрлөг гуравдугаар сарын 14-ны өдрийн 1 цаг 59 (PM) минут 26 секундэд эхлэдэг нь энэ тоог 7 орны нарийвчлалтай тодорхойлж буйг өгүүлж байгаа зорилготой. Энэ өдөрлөгт пи тооны тухай болон математик, физикийн сонирхолтой танилцуулга, илтгэл хэлэлцүүлэх, шагналт бодлого бодох, сонирхогчдын шагналт тэмцээн, тоглоом болдог.
