УИХ-ын нийт гишүүдээ төлөөлүүлж, Монгол төрийн долоон эрдэнийг бэлэгдэж долоон гишүүнийг онцлон тодруулжээ. УИХ-ын дарга Г.Занданшатар “Монгол төрийн ой санамж,шударга ёсны төлөө тууштай тэмцэл,төрийн тулгуур болдог түшээд бол манай туршлагатай парламентчид юм. Туршлагатай парламентчдийг бэлтгэхэд дор хаяж 20-30 жил шаардлагатай. Монголын төр зүтгэсэн хүндээ ээлтэй байх ёстой ” хэмээн онцолжээ. Үүнд,
- Үндсэн хуулийн эхийг барилцсан Д.Лүндээжанцан, түүнийг бодитой хэрэгжүүлэгч Ц.Нямдорж нарыг Монгол төрийн манлай түшээдээр тодрууллаа.
- Коронавирустэй тэмцэх үйлсэд эрүүл мэндийн салбараа манлайлан, монголын төр асрангуй,энэрэнгүй байхыг сануулсан Эрүүл мэндийн сайд Д.Сарангэрэлийг Төрийн хатан эрдэнээр
- Хууль санаачлан батлуулсан тоо, ажлын хэсэгт оролцсон эрэмбэ, Үндсэн хуулийн нэмэлт өөрчлөлтөд оролцсон оролцоог харгалзан Д.Тогтохсүрэн, С.Бямбацогт нарыг төрийн манлай түшээдээр
- УИХ-д цөөнхийн тэнцвэрийг хангаж ажилласан, чуулганд бүтээлч хамтын ажиллагаатайгаар оролцсон Я.Санжмятавыг төрийн манлай түшээгээр
- Шилдэг залуу түшээгээр Т.Аюурсайханыг тус тус тодруулжээ.
