Нийслэлийн Замын хөдөлгөөний төлөвлөлт, зохицуулалт, инженерчлэлийн газраас авто зогсоол ашигласны төлбөрт өөрчлөлт оруулах санал боловсруулж буй ажээ. Энэ хүрээнд олон нийтээс санал авч байгаа аж. Энэхүү санал асуулгын гол зорилго нь авто зогсоолын үйл ажиллагааг сайжруулах, зогсоолын сэлгэлт, иргэдийн зогсоолоор үйлчлүүлэх боломжийг нэмэгдүүлэх, замын хөдөлгөөний ачааллыг бууруулахад чиглэж байгаа юм байна.
Тус газраас Улаанбаатар хотын нийт авто зогсоолыг доорх байдлаар 3 бүсчлэлд хуваах санал гаргажээ. Үүнд:
1-р бүсчлэл: Тээврийн хэрэгслийн зогсоолд 2 цагаас илүү зогсоохгүй
/эхний 1 цаг нь 2000 төгрөг/
2-р бүсчлэл: 2 цагаас дээш цаг тутамд 2000 төгрөг
/эхний 1 цаг нь 1000 төгрөг/
3-р бүсчлэл: 1,2-р бүсчлэлээс ачаалал харьцангуй бага тул цаг тутам 1000 төгрөг
Ингэснээр төрийн болон, худалдаа үйлчилгээний байгууллагын гаднах авто зогсоолыг ажилчдад бус, иргэд, үйлчлүүлэгчдэд хүртээмжтэй болгох давуу талтай гэж үзжээ.
