Энэ сарын 23-нд, Хятадын Хөдөө аж ахуйн яам, Сангийн яам, Хүний нөөц нийгмийн хамгааллын яам хамтран теле хурал хийжээ. Уг хурлаас Хөх мөрөн болон түүний урсгал дагуух байгаль экологийн 332 онцгой бүс дэх загас жараахайн агнуурыг зогсоох хориг тавьсан байна. Тус ажлаар орлогынхоо эх үүсвэрийг олж байсан 128000 загасчныг үйлчилгээний бусад салбарт ажилд оруулах, амьдралын нөхвөр тэтгэмж олгох, эмнэлгийн болон нийгмийн баталгааг зохих ёсоор хангахаар болжээ.
Мөн ирэх 2021 оны нэгдүгээр сарын 1-нээс, Хөх мөрний салбар болох Мин мөрөн, Түө мөрөн, Чи шуй гол, Жялин мөрөн, Ү мөрөн, Хань мөрөн зэрэг гол мөрөнд загас агнуурыг хориглох юм байна. Энэхүү бодлого нь 564000 загасчины амьдрал орлоготой холбогдох тул улсын төв санхүүгээс 1.5 тэрбум юань энэ ондоо багтаан гаргахаар болжээ.
