БНХАУ-ын эрдэмтэд шинэ коронавирусийн эсрэг вакцины анхны туршилтыг амжилттай хийсэн байна. Тэд “SARS-CoV-2” вирусийг саармагжуулах чадвартай эсрэг биетийг гаргаж авах зорилгоор энэхүү вакцинаа хулгана, харх, сармагчинд тарьж туршсан ажээ. Энэхүү вакцинаа үйлдвэрлэлд шилжүүлэхийн тулд эрдэмтэд Хятад, Испани, Итали, Их Британид коронавирусийн халдвар авсан өвчтнүүдийн уушгинаас шингэний дээж цуглуулсан байна. Уг туршилт вакцин гаргаж авах загвар болж байгаа гэдгийг Хятадын эрдэмтэд онцолжээ.
Хулгана, харх зэрэг мэрэгч амьтдад хийсэн туршилтаар тухайн амьтны цуснаас үүссэн антибиотикууд нь “SARS-CoV-2” вирусийн бүх омгийг саармагжуулж чаджээ. Тиймээс дараагийн шатанд вакцины нөлөөг сармагчинд туршсан аж. Туршилт амжилттай болж энэхүү вакцинд хамрагдсан сармагчин “COVID-19”-ийн эсрэг бүрэн дархлаатай болсон байна.
Ташрамд дурдахад, олон улсын эрдэмтэд коронавируст халдвар “COVID-19”-ийн эсрэг вакцин гаргаж авахаар ажиллаж байгаа юм. Вакцин хөгжүүлэгчид амьдтад дээрх туршилтаа эхлүүлсэн нь тодорхой ахиц бөгөөд уламжлалт аргаа өөрчлөхгүй бол жил хагасын дараа гэхэд “COVID-19”-ийн эсрэг вакцин гаргаж авна гэдгийг эрдэмтэд онцолж буй юм.
Эх сурвалж: www.pulitzercenter.org
