Дөрөвдүгээр сарын 21-ний шөнө 01.50 цагт “Интермед” эмнэлгийн яаралтай түргэн тусламжийн тасагт 69 настай эмэгтэй амьсгалын хурц дутагдалтай, хоёр талын уушгины хүнд хэлбэрийн хатгаатай гэсэн шинж тэмдэгтэйгээр ирж, түргэвчилсэн шинжилгээгээр иммуноглоблин эсрэг бие илрүүлэх шинжилгээ хийлгэхэд эерэг буюу коронавирусийн халдвартай гэсэн хариу гарчээ. Тиймээс тухайн иргэнтэй хамт ирсэн ар гэрийнхнийг нь тусгаарлаж, шаардлагатай арга хэмжээг авсан байна.
Улмаар өнөөдөр уг иргэний шинжилгээний дээжийг ХӨСҮТ-д хүргээлэн PCR шинжилгээнд хамруулахад сөрөг буюу халдваргүй гэсэн хариу гарчээ.
