Намын даргынхаа талаар олон нийтэд хандаж хурц мэдэгдэл хийсэн хэргээр АН-ын ҮБХ-ны гишүүн, Хөх Хотын Ерөнхий консул асан Д.Мөнх-Эрдэнэ банга хүртэхээр болжээ. Тэрбээр хэвлэлийн бага хурал зарлаж байр сууриа илэрхийлсэн нь АН-ын Удирдлага болон Үндсэн дүрмийн хорооны Ёс зүй-сахилгын дэд хорооныхонд таалагдаагүй ажээ. Түүний энэ асуудлыг авч хэлэлцэхээр ҮБХ-ны гишүүн Д.Мөнх-Эрдэнийг өнөөдөр товлосон цагт АН-ын байранд ирэхийг Үндсэн дүрмийн хороо дуудсан байна.
Харин Д.Мөнх-Эрдэнэ нь зарлан дуудах зурвасын хариуд “С.Эрдэнэ даргаа надад тантай үзээд алдах юм байхгүй! Би үзэл бодолдоо үнэнч хүн! Та надтай үзээд ялагдахад танд босох цаг хугацаа байхгүй!!! Шууд хонгилруу унана!!!” хэмээн хариу зурвас бичжээ.
