Шинэ коронавирусийн халдварын анхны голомт болсон БНХАУ-ын Хубэй мужийн Үхань хот маргааш буюу дөрөвдүгээр сарын 8-наас төмөр замын зорчигч тээврийн үйлчилгээ, нисэх онгоцны буудлын зорчигчдын нислэгийг сэргээх юм байна. Үүнтэй холбогдуулан Үханий “Тянхэ” нисэх онгоцны буудалд ариутгал хийжээ.
Үхань хотын гал унтраах ангийн 160 ажилчныг арван багт хувааж, нисэх онгоцны буудлын зорчигчдын гол том танхим, аюулгүй байдлын шалгалтын бүс, хүлээлтийн бүс зэрэгт нэвтэрч, зорчигчид илүү төвлөрдөг бүс, хэсгүүдэд илүү анхаарч, сайтар ариутгал хийж байгаа юм байна.
Халдварт өвчний үеэр Үханий “Тяньхэ” нисэх онгоцны буудал нь халдварт өвчний эсрэг тэмцэлд эд материал тээвэрлэх, тусгай онгоцоор эмчилгээний багийг хүргэх, буцаах зэрэг талаар чухал үүрэг гүйцэтгэсэн аж. Иргэний агаарын тээврийн газрын зохицуулалтын дагуу, Үханий “Тяньхэ” нисэх онгоцны буудал дөрөвдүгээр сарын 8-ны өдрийн 00:00 цагаас эхлэн улсынхаа дотоодын зорчигч тээврийн нислэгийн ажлаа сэргээх юм. Үүнээс гадна, Үханьд ирж буцах буюу зогсоод байгаа олон тооны зорчигчдын галт тэрэг мөн дөрөвдүгээр сарын 8-наас үйл ажиллагаагаа сэргээнэ. Гуравдугаар сарын 28-ны өдрийн 00:00 цагаас эхлэн Үхань хотын төмөр замын салбар Үхань хотын 17 төмөр замын өртөөнд хүрэх үйл ажиллагааг сэргээсэн юм.
Маргаашнаас эхлэн Үханиас Вэньжөү, Нинбө, Шанхай, Ханжөү, Шэньжэнь, Чүнчин, Фүжөү, Наньнин, Ши-ань, Күньмин зэрэг чиглэлийн 100 орчим галт тэрэг үйл ажиллгаагаа эхлүүлэх юм байна.
Эх сурвалж: www.cri.cn
