Манай улсын нутаг дэвсгэрээр дамжуулан хийн хоолой барихтай холбоотойгоор Үндэсний аюулгүй байдлын зөвлөл өчигдөр хуралдаж ажлын хэсэг байгуулжээ. ОХУ-аас БНХАУ руу Монгол Улсын нутаг дэвсгэрээр дамжуулан байгалийн хийн хоолой барих төслийн хамтын ажиллагааг бодлого, зохион байгуулалтаар хангаж ажиллах зорилго бүхий ажлын хэсгийг Монгол Улсын Шадар сайд Ө.Энхтүвшингээр ахлуулан байгуулахаар болсон байна. Тус ажлын хэсгийг Үндэсний аюулгүй байдлын зөвлөлийн дэргэд байгуулах бөгөөд бүрэлдэхүүнд нь Гадаад харилцааны сайд Д.Цогтбаатар, Сангийн сайд Ч.Хүрэлбаатар, Үндэсний аюулгүй байдлын зөвлөлийн нарийн бичгийн дарга А.Гансүх нар багтжээ.
